श्रीकृष्ण जन्माष्टमी गोल्ड कप २०८२ सल्लिबजारमा आयोजना हुँदै.

स्वास्थ्यका लागि खेलकुद, राष्ट्रका लागि खेलकुद” — श्रीकृष्ण जन्माष्टमी गोल्ड कप २०८२ सल्लिबजारमा आयोजना हुँदै…….!!
श्रीकृष्ण जन्माष्टमीको पावन अवसरमा बन्गाड कुपिण्डे नगरपालिका–१, सल्लिबजारमा एक भव्य फुटबल प्रतियोगिता आयोजना हुँदैछ। २०औं श्रीकृष्ण जन्माष्टमी गोल्ड कप नकआउट फुटबल प्रतियोगिता यस वर्ष 9A Side फारम्याटमा सम्पन्न हुने भएको छ।
यस प्रतियोगितालाई River Town Sports Club, सल्लिबजारको आयोजनामा संचालन गर्न लागिएको हो। आयोजक क्लबले सम्पूर्ण फुटबल टिमहरूलाई प्रतियोगितामा सहभागिता जनाई सल्लिबजारको खेलकुद माहोललाई अझ जीवन्त र ऊर्जाशील बनाउन हार्दिक निमन्त्रणा गरेको छ।
प्रतियोगिताले स्थानीय स्तरको खेल प्रतिभा उजागर गर्नुका साथै सामाजिक सद्भाव, भाईचाराको सन्देश फैलाउने अपेक्षा गरिएको छ। खेलप्रेमी, खेलाडी तथा शुभेच्छुक सबैलाई उपस्थित भई प्रतियोगितालाई भव्य र सभ्य बनाउन आयोजकले आग्रह गरेको छ।