सूर्य प्रसाद रिजाल, नेपालगन्ज, बाँके: नेपालीहरुको महान चाँड विजया दशमी, शुभ दिपावली तथा छठ पर्व २०८१ को पावन अवसरमा शुभकामना आदानप्रदान गर्दै अस्थायी ट्राफिक प्रहरी पोस्ट वसपार्क, अस्थायी प्रहरी पोस्ट वसपार्क, होटल संघ नेपालगन्ज, र भोलेन्टियर सोसाइटी अफ बाँकेको संयुक्त आयोजनामा सडक सुरक्षा र ट्राफिक व्यवस्थापन सम्बन्धी सचेतना कार्यक्रम सम्पन्न गरिएको छ।
कार्यक्रममा प्रमुख रुपमा अव्यवस्थित पार्किङ, जेब्रा क्रसिङ र फुटपाथको सदुपयोगबारे छलफल गरियो। यस कार्यक्रमले पर्वका समयमा हुने ट्राफिक चापलाई व्यवस्थापन गर्न र सर्वसाधारणलाई सुरक्षित यात्रा सम्बन्धी जानकारी प्रदान गर्न महत्वपूर्ण योगदान पुर्याएको आयोजकले बताए।
