बनगाड कुपिण्डे नगर खेलकुद विकास समितिको आयोजनामा सम्पन्न नगर स्तरीय चौथो राष्ट्रपति रनिङ शिल्ड खेलकुद प्रतियोगिता २०८१ को उपाधि श्री प्रभाकर माध्यमिक विद्यालयले जितेको छ। लगातार तेस्रो पटक उपाधि जित्दै श्री प्रभाकर मा.वि.ले शिल्ड आफ्नो कब्जामा लिन सफल भएको हो।
प्रतियोगितामा श्री प्रभाकर मा.वि. ले १४ स्वर्ण, १३ रजत र ४ कास्य पदक प्राप्त गर्दै पहिलो स्थान हासिल गर्यो।
त्यस्तै श्री त्री ज. मा.वि. च्युराले १० स्वर्ण, ५ रजत र ९ कास्य पदक जित्दै दोस्रो स्थान प्राप्त गर्यो।
**श्री कृष्ण मा.वि. संग्रहीले ३ स्वर्ण, १ रजत र २ कास्य पदक जित्दै तेस्रो स्थानमा रह्यो।
नगर खेलकुद विकास समितिको आयोजनामा भएको यो प्रतियोगिताले विद्यार्थीहरूको खेलकुद प्रतिभा उजागर गर्न महत्वपूर्ण भूमिका खेलेको छ।
