नेकपा एमालेका संसाद् एवम् सहकारी रकम अपचलन छानबिन सम्बन्धी समितिका पूर्वसभापति सूर्य थापाले विदेशमा रहेका रविका समर्थकहरूलाई भेज ग्रुप अर्थात भेडा जमातको संज्ञा दिएका छन् ।
टिभी टुडे टेलिभिजनको अन्तरवार्ता कार्यक्रम चक्रव्यूहमा बोल्दै उनले आफूले अन्यत्र अन्तरवार्तामा बोलेको विषय र सहकारी छानबिन समितिको प्रतिवेदन सो जमातले तोडमोड गरेको उनको आरोप छ ।
‘यो कार्यक्रम मार्फत म एउटा कुरा स्पष्ट पार्न चाहन्छु । भन्न चाहन्छु कि सामाजिक सञ्जालमा एउटा भेडा जमात छ । सामाजिक सञ्जालको सही सदुपयोग गर्नेलाई म सल्युट गर्छु । तर, त्यो भेडा जमात के गर्छ भने प्रतिवेदन नपढी रवि लामिछानेलाई क्लिन चिट दिएको भन्छ,’ थापाले भनेका छन् ‘रविलाई क्लिन चिट पो बाँडिरहेको छ भेडा जमात । त्यो विदेशमा कहाँ बसिरहेको छ । नेपालमा के भइरहेको छ भन्ने पनि थाहा छैन् भेडा जमातलाई म त्यसलाई भेज ग्रुप भन्छु ।’
नेता थापाले सहकारी प्रतिवेदनबारे टिप्पणी गर्नपूर्व सबै प्रतिवेदन पढ्न पनि सर्वसाधारणलाई आग्रह गरे ।
