नेपाल प्रिमियर लिग (एनपीएल) मा आज सुदूरपश्चिम रोयल्स र कर्णाली याक्स भिड्दै छन् । खेल बिहान ९ बजेबाट त्रिवि क्रिकेट मैदान कीर्तिपुरमा सुरू हुनेछ ।
सुदूरपश्चिम रोयल्स जारी प्रतियोगिताको प्लेअफ चरणमा पुगिसकेको छ भने कर्णालीले प्लेअफमा स्थान बनाउन यो खेल जित्नै पर्ने हुन्छ । सुदूरपश्चिमलाई भने जित वा हारले फरक पर्दैन । ऊ अंक तालिकाको शीर्ष स्थानमा रहँदै अघिल्लो चरण पुग्न चाहन्छ ।
प्रतियोगिताको लिग चरणको यो अन्तिम खेल पनि हो । सबै टोलीले आफ्नो लिग चरणको अन्तिम खेल खेलिसकेका छन् । सुदूरपश्चिम सहित जनकपुर बोल्ट्स र चितवन राइनोजले प्लेअफमा स्थान सुरक्षित गरिसकेका छन् ।
