काठमाडौं – बुद्ध एयरको प्रणाली ह्याक गरेर अवैध रूपमा हवाइ टिकट बिक्री गरेको आरोपमा दुई जना पक्राउ परेका छन्।
पक्राउ पर्नेमा मोरङका ४५ वर्षीय विकास भारती र गोरखाका ३७ वर्षीय बाबुराम अधिकारी रहेका छन्।
काठमाडौं उपत्यका अपराध अनुसन्धान कार्यालयका अनुसार उनीहरूले भारतीय नागरिकको संलग्नतामा १५ दिनदेखि अवैध रूपमा टिकट काट्दै आएका थिए। हालसम्म २० यात्रुको टिकट काटेर पैसा नतिरेको उजुरीपछि आइतबार बत्तीसपुतलीबाट उनीहरूलाई पक्राउ गरिएको हो।
प्रहरीले उनीहरूमाथि विद्युतीय कारोबार ऐन २०६३ अन्तर्गत अनुसन्धान गरिरहेको जनाएको छ।
