बारा जिल्लाको गण्डक चोकमा खटिएका दुई प्रहरीलाई ‘अन द स्पट’ निलम्बन गर्न आदेश दिएका प्रमुख जिल्ला अधिकारी (सिडियो) वसन्त अधिकारी फेरि विवादमा तानिएका छन्। उक्त घटनाको भिडियो सामाजिक सञ्जालमा भाइरल भइरहेको छ।
स्थानीयहरूले दैनिक गुजाराका लागि बोरा बोकेर जाँदा प्रहरीले चेक नगरेको भन्दै अधिकारीले बारा प्रहरी प्रमुख (एसपी) लाई तत्काल निलम्बन गर्न फोन गरेको देखिन्छ। चौविसै घण्टा सडकमा खटिने नेपाल प्रहरी र सशस्त्र प्रहरीका जवानलाई यसरी कठोर कारबाहीको आदेश दिनु अन्यायपूर्ण भएको भन्दै अधिकारीको चर्को आलोचना भइरहेको छ।
विवादासँग जोडिएका वसन्त अधिकारीका पूर्व हर्कतहरू
यसअघि काठमाडौं महानगरपालिकाका प्रमुख प्रशासकीय अधिकृत रहेका बेला उनले ४२ जना नगर प्रहरीलाई यसैगरी निलम्बन गरेका थिए, जुन निर्णय एक महिनापछि खारेज गरिएको थियो। अधिकारीमाथि महानगरपालिकामा कार्यरत रहँदा भ्रष्टाचारको गम्भीर आरोप लाग्दै आएको छ।
सूत्रहरूका अनुसार उनले काठमाडौं महानगरका टेन्डर तथा सप्लाईका काम आफ्ना भतिजमार्फत गराउने, फाइल पास गर्न कमिशन असुली गर्ने जस्ता क्रियाकलाप गरेका थिए।
मेयर बालेनसँगको विवाद
काठमाडौं महानगरपालिकामा रहँदा अधिकारीले सामुदायिक विद्यालयका प्रधानाध्यापकहरूलाई खर्च विवरण पेश गर्न निर्देशन दिएका थिए। तर, मेयर बालेन शाहले अधिकारीका गतिविधिहरूमा असहमति जनाउँदै उनलाई कार्यालय प्रवेशमै रोक लगाएका थिए।
निजी स्वार्थका लागि पदको दुरुपयोग
उनले आफ्नो छोराको विवाह भोज खर्च महानगरको कर्मचारी भ्रमण शीर्षकमा तिर्न लगाएको आरोप पनि लागेको छ। त्यस्तै, काठमाडौं महानगरमा कार्यरत एक करार महिलाको म्याद नथप्दा संघीय मामिला मन्त्रालयसम्म मुद्दा पुगेको थियो।
